प्रदेश १ मा प्रत्येक वर्ष जबरजस्ती करणीका घटना बढेको देखिएको छ । पछिल्ला तीन वर्षको अवधिमा एक हजार ६२५ वटा जबरजस्ती करणीका घटना भएका छन् । प्रदेशका कुल १४ जिल्लामा बर्सेनि औसत ५ सय बढीको संख्यामा जबरजस्ती करणीको घटना हुने गरेको प्रहरीको तथ्याङ्कमा उल्लेख छ, जसमा ५ वर्षे शिशुदेखि ७० वर्षीया वृद्धा समेत बलात्कारमा परेका छन् । प्रदेश १ प्रहरी कार्यालय विराटनगरको तथ्याङ्क अनुसार आर्थिक वर्ष २०७७/०७८ मा प्रदेश १ मा कुल ५९० वटा जबरजस्ती करणीका घटना भएका छन् । गत आर्थिक वर्षमा जबरजस्ती करणीको घटनामा १८ वर्षभन्दा माथि ५९ वर्षसम्मका ३१७ जना पीडित भएका छन् । यस्तै, ५ वर्षदेखि १८ वर्ष उमेर समूहमा २७० जना र ६० देखि ७० वर्ष उमेरका १२ जना जबरजस्ती करणीको घटनामा पीडित भएका छन् । आर्थिक वर्ष २०७६/०७७ मा प्रदेशभरि कुल ४७६ वटा जबरजस्ती करणीका घटना भएका छन् । जसमध्ये पाँच वर्षदेखि १८ वर्ष उमेर समूहका २७७ जना बलात्कारमा परेका छन् । सो आर्थिक वर्षमा ६० देखि ७० वर्ष उमेर समूहका १० जना वृद्धा बलात्कारमा परेका छन् । आर्थिक वर्ष २०७५/०७६ मा प्रदेशभर कुल ५५९ जबरजस्ती करणीका घटना भएका छन् । प्रदेशका १४ मध्ये तीन जिल्लामा ५० प्रतिशतभन्दा बढी घटना प्रदेश १ मा आर्थिक वर्ष २०७५/७६ मा बलात्कारका कुल ५५९ घटनामध्ये झापा, मोरङ र सुनसरीमा मात्र कुल ३४० घटना भएको छ । बाँकी ११ जिल्लामा २१९ त्यस्ता घटना भएको प्रहरीले जनाएको छ । यस्तै आर्थिक वर्ष २०७६/७७ मा प्रदेश १ का १४ जिल्लामा गरी ४७६ बलात्कारका घटना भएकोमा झापा, मोरङ र सुनसरीमा मात्र कुल २७५ घटना भएका छन् । बाँकी ११ जिल्लामा २०१ त्यस्ता घटना भएको प्रहरीको तथ्याङ्कमा उल्लेख छ । आर्थिक वर्ष २०७७/७८ मा प्रदेश १ का १४ जिल्लामा गरी बलात्कारका कुल ५९० घटना भएकोमा झापा, मोरङ र सुनसरी गरी तीन जिल्लामा मात्र ३४४ त्यस्तो घटना भएको पाइएको छ भने बाँकी ११ जिल्लामा २४६ वटा घटना भएको छ । चालु आर्थिक वर्षको पहिलो महिनामा मात्र प्रदेशमा ४४ वटा जबरजस्ती करणीका घटना भएका छन् । ती घटनामा ५ देखि १८ वर्ष उमेर समूहका २९ जना, १८ देखि ५९ वर्ष समूहका १३ जना र ६० देखि ७० वर्ष उमेर समूहका दुई जना बलात्कृत भएका छन् । प्रदेश १ प्रहरी कार्यालयका प्रहरी उपरीक्षक नविनराज राईका अनुसार सहरी क्षेत्रमा सामाजिक सञ्जालको बढ्दो दुरुपयोगका कारण यौनजन्य हिंसाका घटना बढेको हो । उनी भन्छन्, ‘हामीले त्यस्ता घटना बढी हुने सहरी क्षेत्रमा निगरानी बढाएका छौं ।’ प्रहरी उपरीक्षक राईले ललाई फकाई तथा प्रेम विवाहको प्रलोभनमा पारेर यौनजन्य हिंसा गराउने प्रचलन बढी पाइएको बताए । त्यस्ता प्रकृतिको घटनाका पीडकको उमेर समूह...

वर्षौंदेखि बेसार सुन्दरताका सामाग्रीहरुमा प्रयोग हुँदै आएको छ । विशेषगरी एन्टिअक्सिडेन्ट र एन्टिइफ्लामेट्री कम्पोनेन्ट पाइने भएकाले यसले छालामा हुने विभिन्न समस्यालाई हटाउन मद्दत गर्छ । बेसारलाई बेसन, आँटा वा दुधमा मिसाएर लगाउने गर्दा यसले राम्रोसँग काम गर्छ । अनुहारमा आउने एक्नी, चायाँपोतो जस्ता समस्याहरुलाई जरैदेखि निको पार्छ । तर, बेसारको प्याक लगाइसकेपछि केही गल्तीहरु गर्न हुँदैन । त्यस्ता गल्तीले सुन्दरतामा ह्रास ल्याउन सक्छ । १. बेसारको प्याक लगाउनेवित्तिकै साबुनले मुख धुन हुँदैन । २४ देखि ४८ घण्टापछि मात्रै साबुनले धुन सकिन्छ । बेसारको असर २४ घण्टापछि सम्म रहने भएकाले साबुन लगाउँदा निखार झन् हराउँछ त्यसैले यसको प्रयोगपछि साबुन लगाएर मुख धुन हुँदैन । २. बेसार लगाएको २० मिनेटभन्दा बढी अनुहारमा राख्नुहुँदैन । यदि लामो समयसम्म बेसार अनुहारमा राखियो भने पहेँलोपना बढ्छ । ३. बेसारको प्याकमा अनावश्यक चीजहरु मिसाउनु हुँदैन । बेसारमा करक्युमिन हुन्छ । बेसारमा अन्य चीजहरु मिसाउँदा करक्युमिनसँग प्रतिक्रिया गर्ने चिज मिसाउँदा अनुहारलाई बेफाइदा पुग्छ । त्यसैले बेसारलाई गुलाब जल, दुध, दही र पानीसँग मात्रै मिसाउनु पर्छ । ४. बेसारको प्याक लगाएपछि घामबाट बच्नुपर्छ । बेसारको प्याक लगाएर घाममा जाँदा छाला डढ्ने समस्या हुन्छ । ५. बेसारको प्याक लगाउँदा गर्दन र घाँटीमा पनि पुरै लगाउन आवश्यक छ । अनुहार सँगसँगै घाँटी र गर्दनमा लगाउँदा सबैतिरको छालाको रङ एकै प्रकारको देखिन्छ ।